Nordic eMarketing í samvinnu við Leit.is, Viðskiptablaðið, Útflutningsráð Íslands og Chris Sherman stendur fyrir alþjóðlegri ráðstefnu og fagsýningu, RIMC 2006. Tuttugu og einn fyrirlesari munu fjalla um Internetið, markaðssetningu á Internetinu og samskipti og yfir 30 innlend sem og erlend fyrirtæki kynna starfsemi sína þar að lútandi.
RIMC 2006 verður haldin á Grand hótel fimmtudaginn 2. nóv. og föstudaginn 3. nóv. n.k. og stendur yfir allan daginn báða daga.
Þema RIMC verður markaðssetning og markaðssamskipti á Internetinu. Hvernig má breyta heimsókn á vef í viðskipti út frá markaðslegu sjónarhorni. Ekki verður fjallað um tæknilegu hlið Internetmarkaðssetningar og hentar atburðurinn því vel stjórnendum og markaðsstjórum stórra sem smárra fyrirtækja sem vilja ná árangri í starfi.
RIMC 2006 er ómissandi uppákoma fyrir þá sem þurfa að ná athygli nýrra markaða á sem hagkvæmastan hátt, betrumbæta núverandi árangur sinn eða skilja hvernig á að mæla hann og nýta sér þær mælingar til frekari árangurs. Ráðstefnan er haldin í samvinnu við Chris Sherman sem er aðalritstjóri SearchEngineWatch.com og er mjög áhrifamikill sérfræðingur um Internetið.
Meðal fyrirlesara verða
- Dr. Brian Clifton PhD yfirmaður vefgreiningarhluta Google
- Johnn Riccardi vörustjóri hjá Yahoo! Search
- Chris Sherman aðalritstjóri Search Engine Watch
- Bill Hunt sérlegur markaðsstjóri IBM á Internetinu
- Mel Carson frá Microsoft MSN
- Graham Hansell frá SiteLynx o.fl.
Auk þessara stóru nafna má finna frábæra fyrirlesara, erlenda og íslenska sem allir eru þekktir fyrir framúrskarandi árangur í sínu fagi.
Allir fyrirlesararnir hafa verið sérstaklega valdir með það í huga að ráðstefnan skilji mikið eftir sig fyrir þátttakendur.
Samkvæmt Kristjáni Má Haukssyni forsvarsmanni og einum aðaleiganda Nordic
eMarketing er ekki um tækni- eða forritunarráðstefnu að ræða, heldur alþjóðlegan atburð
fyrir stjórnendur og markaðsfólk sem vill ná árangri í markaðssetningu á Internetinu.
50 fyrstu sem skrá sig á ráðstefnuna fara í pott og eiga möguleika á að
vinna fræðibækur eftir Chris Sherman, Bill Hunt og Shari Thurow.
Miðaverði er stillt í hóf eins og mögulegt er en auk þess fá meðlimir WAA, ÍMARK, SKÝ, SVEF, FVH, SAU og SAF afslátt af verði.
Nordic eMarketing er leiðandi fyrirtæki á Íslandi í Internetmarkaðssetningu og -ráðgjöf og vinnur sem slíkt fyrir mörg af helstu fyrirtækjum landsins auk þess að starfa erlendis m.a. fyrir Hitachi í Evrópu.
Upplýsingar um ráðstefnuna og sýninguna má finna á www.emarketing.is eða hjá Sveini S.
Kjartanssyni framkvæmdastjóra í síma 540 9500 eða með tölvupósti info@emarketing.is.